Göyçayda iş adamının qatili tutulub
Göyçay rayonunda 4 ay əvvəl törədilən qətlin üstü açılıb. APA TV-nin yerli bürosunun xəbərinə görə, bu ilin avqustunda rayonun Alpoud kənd sakini, 1958-ci il təvəllüdlü Abbasov Sahib Sabir oğlunu öldürən şəxs tutulub. Məlum olub ki, hadisəni Bəydövül kənd sakini, 1956-cı il təvəllüdlü Xudiyev Ələsgər Xudu oğlu törədib. Ələsgər Xudiyev həyat yoldaşı ilə birgə sahibkarlıq fəaliyyəti ilə məşğul olan mərhum Sahib Abbasovun Alpoud kəndindəki çörək sexində işlədiyini və hadisədən 4 gün əvvəl işdən çıxarıldıqlarını bildirib. Ələsgər Xudiyev əmək haqqını almaq üçün çörək sexinə getdiyini və müdiri Sahib Abbasovun onu təhqir etdiyini bildirib. O, ov tüfəngi ilə avqustun 14-də axşam saatlarında Sahib Abbasovu öldürdüyünü bildirib.
Qeyd edək ki, sahibkarın meyiti Alpoud kəndində yolun kənarındakı elektrik transformatorunun yanından tapılıb. Faktla bağlı Göyçay rayon Prokurorluğunda cinayət işi başlanıb.
Elvin Yaqubov
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
