"Boko Haram" terrorçuları Nigeriyada 200 nəfəri qaçırıb
"Boko Haram" terror təşkilatı Nigeriyada 200 nəfəri qaçırıb. APA TV-nin xəbərinə qaçırılan şəxslər Borno vilayətində yerləşən bir kəndin sakinləridir. Xalq tərəfindən təşkil olunan qoşunların sözçüsü Jubrin Qunda bildirib ki, üsyançılar Bintiri kəndinə hücum edərək aralarında qadınların da olduğu 200-dən artıq adamı qaçırıb. Onların hara aparıldığı məlum deyil.
Qeyd edək ki, "Boko Haram" terrorçuları tərəfindən Bornonun Çibok qəsəbəsində bir məktəbli yataqxanasından qaçırılan 200-dən çox qızın hələ də üsyançıların əlində olduğu bildirilir. Terrorçular qaçırdıqları məktəbli qızları bazarda satacaqlarıını bəyan ediblər. Bu təşkilatın təkcə noyabr ayında törətdiyi cinayətlər nəticəsində 300-dən çox insan ölüb. Ümumilikdə Boko Haram son 5 ildə 13 min insanın ölümünə səbəb olub.
Elvin Bayramlı
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
