OPEC ölkələri neft ixracatını azaltmayacaq
Neft İxrac edən Ölkələr Təşkilatı (OPEC) neft ixracı ilə bağlı kvotanı azaltmayacaq. APA TV-nin xəbərinə görə, bu barədə təşkilatın Dubayda keçirilən toplantısında qərar verilib. Qurumun baş katibi Abdulla əl-Bədri noyabr ayında ixracın sutka ərzində 30 milyon barel saxlanılması barədə qərarı xatırladaraq neftin qiymətinin 5 illik minimuma çatmasına baxmayaraq, ixracın miqdarının dəyişməyəcəyini bildirib. Baş katib qərarın yekdilliklə qəbul edildiyini diqqətə çatdırıb. Birləşmiş Ərəb Əmirliklərinin energetika naziri Süheyl Məhəmməd əl-Məzrui də neftin qiymətinin 40 dollara düşsə belə, ixracın dəyişməyəcəyini bildirib.
Qərarın Rusiyaya ziyan vermək məqsədi ilə verildiyi barədə məlumatlara münasibət bildirən Abdulla Əl-Bədri bu addımın Amerikanın xeyrinə Rusiya və İrana qarşı qəbul edilmədiyini qeyd edib.
OPEC ölkələrinin 166-cı görüşündə həmçinin "Qara qızıl"ın ixracının azaldılması ilə bağlı məsələnin 2015-ci ilin iyununda yenidən müzakirə ediləcəyi ilə bağlı qərar verilib.
Xatırladaq ki, dekabr ayında OPEC neftinin bir bareli 65,65 dollara düşüb. Sentyabr ayında bu rəqəm 95,98 dollar olub.
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
