ÜST: 3 ölkədə "Ebola" virusuna yoluxanların sayı 18 mini keçib
Qvineya, Liberiya və Sierra-Leonedə "Ebola" virusuna yoluxanların sayı 18 188 nəfər təşkil edib. Onlardan 6 583 nəfəri xəstəlikdən dünyasını dəyişib.
APA TV-nin məlumatına görə, bu barədə Ümumdünya Səhiyyə Təşkilatının (ÜST) növbəti açıqlamasında bildirilir.
Bundan əvvəl Qərbi Afrikanın üç ölkəsində ümumilikdə 17 942 “Ebola” virusu daşıyıcısı aşkar olunduğu və 6 388 nəfərin öldüyü açıqlanmışdı.
Qeyd edək ki, hazırda bu virusa qarşı bir neçə vaksin üzərində tədqiqat işləri görülsə də, onlardan hələlik heç biri dəqiq müalicə üçün təsdiqini tapmayıb. “Zmapp” adlı vaksin iki amerikalı xəstə üzərində sınaqdan keçirilib və onların vəziyyətində yaxşılaşma müşahidə olunub. Lakin, həmin vaksin ispaniyalı xəstə üzərində təsirsiz olub və onun həyatını xilas etmək mümkün olmayıb.
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
