Səfir: "TANAP layihəsi addım-addım irəliləyir"
"TANAP layihəsi planlaşdırdığımız kimi addım-addım irəliləyir".
APA TV-nin xəbərinə görə, bu sözləri Türkiyənin Azərbaycandakı səfiri İsmayıl Alper Coşqun jurnalistlərə açıqlamasında deyib. Onun sözlərinə görə, hazırda Türkiyədə boru xətti layihəsinin reallaşdırılması ilə bağlı işlər aparılır: "Asan iş deyil, çünki Türkiyədəki işlərlə buradakı işlərin sinxronizasiyasına ehtiyac var. Vaxtilə BTC əlçatmaz xəyal idi. Bu gün artıq olmuş bir iş barəsində danışırıq. Eyni şey TANAP-la da bağlıdır, biz bunu bacaracağıq".
Səfir Türkiyə və Rusiyanın energetika sahəsində yaxınlaşmasının Azərbaycanla layihələri 2-ci plana atacağı ilə bağlı xəbərləri spekuliyasiya adlandırıb: "TANAP-la bu qədər irəliləmə olduğu bir vaxtda Türkiyənin TANAP-la bağlı proqnozları zəiflədəcək bir addım atması və ya ata biləcəyini düşünmək inandırıcı deyil. Hamısı həyata keçdikdə bir-birini tamamlayacaq layihələr kimi görünməlidir".
Türkiyəli səfir Bakı-Tbilisi-Qars dəmiryol xəttinin enerji layihələrindən daha uzun müddətli və böyük nəticələr verəcək layihə olduğunu diqqətə çatdırıb.
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
