"Qalatasaray" son oyunda da uduzdu - 1:4
UEFA Çempionlar Liqasında heç bir iddiası qalmayan Türkiyənin "Qalatasaray" klubu qrup mərhələsinin son turunda "Arsenal"a 4:1 hesabı ilə məğlub olaraq, qrupu 1 xalla sonuncu yerdə tamamlayıb.
APA TV-nin xəbərinə görə, İstanbulda keçirilən qarşılaşmaya sürətli başlayan "Arsenal" hesabı 3-cü dəqiqədə Lukas Podolskinin qolu ilə açıb. 11-ci dəqiqədə İngiltərə klubu üstünlüyünü iki topa çatdırıb. Bu dəfə Aron Remsi fərqlənib. Bundan 18 dəqiqə sonra Remsi uzaqdan vurduğu gözəl qolla dubla imza atıb.
İlk hissə "Arsenal"ın 3:0 hesablı üstünlüyü ilə başa çatıb.
İkinci hissədə daha yaxşı oyun göstərən "Qalatasaray" bir neçə təhlükəli vəziyyətdən yararlana bilməyib. İstanbul klubu təsəlli qolunu 89-cu dəqiqədə vura bilib. Hollandiyalı futbolçu Uesli Sneyder hesab arasındakı fərqi azaldıb.
Amma "Arsenal" 3:1 hesablı qələbə ilə də kifayətlənməyib. Oyunun əsas vaxtına əlavə edilən 2-ci dəqiqədə Lukas Podolski özünün ikinci, komandasının isə dördüncü qolunu vurub. "Qalatasaray" 1 - "Arsenal" 4.
Apa.tv
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
