Tovuzda avtomobil aşıb, 4 nəfər ağır yaralanıb
Tovuz rayonunda 4 nəfərin yaralanması ilə nəticələnən yol qəzası baş verib. Tovuz rayon Polis Şöbəsindən APA TV-nin qərb bürosuna verilən məlumata görə, hadisə rayonun Düz Cırdaxan kəndi ərazisində qeydə alınıb. Ağstafa rayon sakini, 1991-ci il təvəllüdlü Səlim Rəhimov idarə etdiyi “Mercedes” markalı avtomobillə hərəkətdə olarkən idarəetməni itirib və maşını yolun kənarına aşırıb. Qəza nəticəsində sürücü və sərnişinlər, Ağstafa rayon sakinləri - 1991-ci il təvəllüdlü Roman Nəcəfov, 1989-cu il təvəllüdlü Vüsal Hüseynov və hələlik kimliyi məlum olmayan 30-32 yaşlarında qadın müxtəlif bədən xəsarətləri ilə Tovuz Mərkəzi rayon Xəstəxanasına yerləşdiriliblər. Həkimlər qadının kəllə beyin travması aldığını, hazırda özündə olmadığını bildiriblər.
Faktla bağlı Tovuz rayon Polis Şöbəsində araşdırma aparılır.
Azər Məmmədli
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
