Kobani uğrunda millətlərarası müharibə: kim qalib gələcək?
Suriyanın Kobani şəhəri uğrunda iki terrorçu qruplaşma mübarizə aparır. Maraqlısı budur ki, İŞİD terrorçuları ilə PKK-YPG terrorçuları və peşmərgələr arasında gedən döyüşlərdə dünyanın hər yerindən döyüşənlər var. "Milliyet"in xəbərinə görə, İŞİD mövqelərindən də, PKK-YPG mövqelərindən də ərəbcə, kürdcə, türkcə, ingiliscə, almanca danışıqlar eşidilir. Şəhərdə döyüşlər 78 gündür, davam edir. İŞİD-ə Qərb ölkələrindən, xüsusi ilə gənclər olmaqla Avropadan çoxlu sayda insan qatılıb. Son günlər YPG-yə qoşulanların da sayı artıb. Kürd terrorçularının tərəfində döyüşənlər arasında keçmiş İsrail, ABŞ, İngiltərə hərbçiləri də var. Ümumilikdə ABŞ, Almaniya, İngiltərə, İsveçrə, Yunanıstan, Kanada, Avstriya kimi ölkələrdən 50-dən artıq gənc YPG terror təşkilatına qoşularaq, döyüşlərdə iştirak edir.
İraq və Suriyada İŞİD-ə qoşulanların sayı isə 15 mini keçib. Nyu-Yorkda fəaliyyət göstərən kəşfiyyat xidməti “The Soufan Group”un araşdırmasına görə, İŞİD terror təşkilatında 81 ölkədən döyüşçülər var.
Elvin Bayramlı
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
