Bakıda 4 nəfər baxışlarını bəyənmədiyi 17 yaşlı oğlanı bıçaqladı
Bakının Nərimanov rayonunda bıçaqlanma hadisəsi baş verib. APA TV-nin məlumatına görə, Bakı şəhər sakini, 17 yaşlı Cəlil Mahmudovun Nərimanov parkı ərazisində tanımadığı şəxslərlə baxışları toqquşub. İşin istintaqını aparan müstəntiq Elnur Məmmədyarovun verdiyi məlumata görə, 4 nəfər olan naməlum şəxslər Cəlilin onlara birtəhər baxmasını bəhanə edərək onu söhbətə çağırıblar. Parkdan bir qədər aralı Əhməd Rəcəbli 4 ünvanına çatanda naməlum şəxslərdən biri cibindən bıçaq çıxararaq, qəfildən Cəlil Mahmudova zərbələr endirməyə başlayıb. Yaralı yerə yıxılanda naməlum şəxslər hadisə yerindən qaçıblar. Cəlil Mahmudovu ətrafdakılar 1 saylı şəhər kliniki xəstəxanasına çatdırıblar.
Boksla məşqul olan Cəlil Mahmudov müstəntiqə onu bıçaqlayan şəxsləri tanımadığını bildirib. Vurulan zərbələr daxilə nüfüz etdiyindən faktla əlaqədar Cinayət Məcəlləsinin 126.1-ci (qəsdən sağlamlığa ağır zərərvurma) maddəsi ilə cinayət işi başlanıb. Nərimanov RPİ hadisəni törətməkdə şühbəli bilinən 4 nəfərin axtarışlarını davam etdirir.
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
