Balakəndə ağır qəza: 3 nəfər yaralandı
Balakəndə baş verən yol qəzasında üç nəfər xəsarət alıb. Balakən rayon Polis Şöbəsindən APA TV-yə verilən məlumata görə, hadisə Balakən-Şanbul avtomobil yolunda baş verib. 1948-ci il təvəllüdlü, Balakən rayonu, Şanbul kənd sakini Kamil Məhəmməd oğlu Labazanovun idarə etdiyi “Mercedes” markalı avtomobillə 1978-ci il təvəllüdlü, həmkəndlisi Ömər Məhəmməd oğlu Tunabasovun idarə etdiyi “Mitshubishi” toqquşub. Qəza nəticəsində hər iki avtomobilin sürücüləri və Ömər Tunabasovun sərnişini, 1981-ci il təvəllüdlü Rafiq Mamed oğlu Nuxasov müxtəlif dərəcəli bədən xəsarəti alıblar. Yaralılar Balakən Rayon Mərkəzi Xəstəxanasına aparılıblar. Xəstəxanadan APA TV-yə bildirilib ki, yaralılardan Kamil Labazanov xəstəxananın reanimasiya şöbəsinə, Ömər Tunabasov və Rafiq Nuxasov isə cərrahiyə şöbəsinə yerləşdiriliblər.
Faktla bağlı Balakən RPŞ-də cinayət işi başlayıb, araşdırma aparılır.
Vüqar Heydərov
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
