MN: Kaspşik helikopterin vurulduğu əraziyə getməyib
"ATƏT sədrinin şəxsi nümayəndəsi Anjey Kaspşikin ötən gün Ağdam rayonunda ermənilərə məxsus Mi-24 hərbi helikopterinin vurulduğu əraziyə baxış keçirməsi barədə yayılan məlumatın heç bir əsası yoxdur".
Bunu APA-ya Müdafiə Nazirliyinin mətbuat xidmətinin rəisi, polkovnik Vaqif Dərgahlı bildirib.
Vaqif Dərgahlının sözlərinə görə, monitorinq qoşunların təmas xəttində, əvvəlcədən müəyyənləşdirilmiş və planlaşdırılmış ərazidə - Ağdam rayonunun Mərzili kəndi yaxınlığında keçirilib və insidentsiz başa çatıb.
“Bəzi KİV-lər ATƏT-in mətbuat xidmətinə istinadən Anjey Kaspşikin vurulmuş helikopterin düşdüyü ərazidə olması barədə məlumat yayıb. Bu, yalandır. Onların təhlükəsizliyinə müəyyən olunmuş, yalnız monitorinqin keçirildiyi ərazidə zəmanət verilib. O ərazi isə helikopter düşən yerdən 20 km aralıdadır” - deyə nazirlik sözçüsü bildirib.
Apa.tv
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
