Zaqatalada baş verən qəzada bir ailənin 3 üzvü yaralanıb
Zaqatalada baş verən yol-nəqliyyat hadisəsi nəticəsində bir ailənin 3 üzvü xəsarət alıb. APA TV-nin Şəki-Zaqatala bürosunun verdiyi məlumata görə, hadisə ötən gün axşam saatlarında Yevlax-Zaqatala-Gürcüstan magistral yolunun 134-cü kilometrliyində qeydə alınıb. Zaqatala rayon sakini, 1980-cı il təvəllüdlü Məmmədov Telman Sabir oğlunun idarə etdiyi “VAZ-21102” markalı avtomobil Balakən rayonu istiqamətində hərəkətdə olarkən qarşıdan gələn Zaqatala rayon sakini Məmmədov Etibar Məhəmməd oğlunun idarə etdiyi “Toyota-Prado” markalı maşınla toqquşub.
Nəticədə “VAZ-21102”in sürücüsü və avtomobildə olan sərnişinlər, sürücünün valideynləri, 1957-ci il təvəllüdlü Məmmədov Sabir Abdurahman oğlu və 1958-ci il təvəllüdlü Məmmədova Zərqələm aldıqları müxtəlif dərəcəli bədən xəsarətləri ilə Zaqatala Mərkəzi Rayon Xəstəxanasına yerləşdirilib.
Həkimlər yaralıların vəziyyətini orta ağır qiymətləndirir.Hadisənin dəqiq təfərrüatları aparılan araşdırmalardan sonra bəlli olacaq.
Vüqar Heydərov
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
