Bakıda mağazalardan 120 min manat aparan şəxslər tutulub - YENİLƏNİB
Bakıda Mənsurə Əsgərovaya məxsus mağazadan içərisində 55000 manat pul və sənəd olan seyfi oğurlamış Bakı şəhər sakinləri Kərim Kubayev və Renat Məhərrəmov tutulublar.
APA TV-nin məlumatına görə, Kərim Kubayevin və Renat Məhərrəmovun ətrafında aparılmış əməliyyat tədbirləri ilə onların Rüfət Abışova məxsus mağazadan da içərisində 65000 manat pul olan seyfi oğurlamaları müəyyən edilib. Nizami RPİ-nin əməkdaşları tərəfindən saxlanılan şəxslərin digər əməlləri də üzə çıxıb. İstintaq müəyyənləşdirib ki, bu şəxslər iki seyf oğurluğundan başqa, daha 3 analoji cinayət törədiblər. Dəstənin digər cinayətlərdə də iştirakı istisna olunmur.
Cinayətkar dəstənin digər üzvü, əvvəllər məhkum olunmuş Şahsəlim Babayevin axtarıları davam edir. Bu şəxsi görüb tanıyanlardan Nizami RPİ-yə məlumat vermələri xahiş olunur.
Apa.tv
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
