Həftəsonu hava yağışlı olacaq
Noyabrın 1-və 2-də Bakıda və Abşeron yarmadasında buludlu hava şəraitinin üstünlük təşkil edəcəyi, ayın 1-də axşama doğru yarmadanın bəzi yerlərində qısamüddətli yağış yağacağı ehtimalı var.
Bu barədə APA TV-yə Ekologiya və Təbii Sərvətlər Nazirliyinin Milli Hidrometeorologiya Departamentinin baş hidroloqu Asif Verdiyev bildirib: "Noyabr ayının 2-də gün ərzində arabir yağış yağacağı gözlənilir. Ayın 1-də cənub küləyi axşama doğru şimal küləyi ilə əvəz olunacaq. Ayın 2-də şimal-qərb küləyinin günün ikinci yarısında axşama doğru yarımadanın bəzi yerlərində arabir güclənəcəyi gözlənilir. Havanın temperaturuna gəldikdə, ayın 1-də gündüz 12-16 dərəcə isti, ayın 2-də isə 10-12 dərəcə isti olacaq".
Bölgələrdə də ayın 1-i və 2-də yağıntılı hava şəraiti müşahidə olunacaq, bəzi yerlərdə yağıntının intensivləşəcəyi gözlənilir: "Ayın 1-də Aran rayonlarında 13-17 dərəcə isti, dağlıq rayonlarda 3-8 dərəcə isti, ayın 2-də isə Aran rayonlarında 8-12 dərəcə, dağlıq rayonlarda isə 1 dərəcə şaxtadan 4 dərəcəyədək isti gözlənilir".
Ayrı-ayrı yerlərdə arabir güclənən qərb küləyi əcəcək.
Azər Məmmədli
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
