Aydın Əliyev: “Gürcüstandan idxal edilən avtomobillərin sayı xeyli azalıb”
"Azərbaycanda “Avro-4” standartının tətbiqi ilə bağlı Gürcüstandan idxal edilən avtomobillərin sayı xeyli azalıb".
APA TV-nin qərb bürosunun verdiyi məlumata görə, bunu Dövlət Gömrük Komitəsinin (DGK) sədri Aydın Əliyev deyib. Komitə sədrinin sözlərinə görə, Gürcüstandan idxal olunan maşınların böyük hissəsi köhnə maşınlar olduğu üçün "Avro-4" standartlarına cavab vermir: "Artıq ölkə başçısının tapşırığına əsasən, ekologiya ilə bağlı məsələlər nəzərə alınaraq yalnız "Avro-4" standartına cavab verən maşınların idxalına icazə verilir. Bununla bağlı maşınların idxalı aşağı düşüb. Buna baxmayaraq, gömrük dəyərləndirilməsi məsələlərinin ildən ilə təkmilləşdirilməsi ilə bağlı oktyabrın 31-ə kimi plan proqnoz tam yerinə yetirilib. Növbəti ildə gömrük orqanlarına bundan da artıq plan proqnoz nəzərdə tutulub".
Komitə sədri deyib ki, mövcud imkanlar təhlil olunacaq.
Azər Məmmədli
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
