Bakıda zəncirvari qəza: 3 gənc ağır yaralandı
Ötən gecə Bakının Sabunçu rayonu ərazisində 3 nəfərin ağır xəsarət alması ilə nəticələnən yol-nəqliyyat hadisəsi baş verib. APA TV-nin xəbərinə görə, qəza Zabrat qəsəbəsində qeydə alınıb. Balaxanı qəsbəsinə dönmək istəyən "VAZ-2107" markalı maşın qarşıda dayanan başqa bir "VAZ-2107"yə arxadan çırpılıb. Bundan sonra qarşı yola çıxan "VAZ-2107" qarşıdan gələn "Hyundai" ilə toqquşub. Qəza nəticəsində "Hyundai"nin sürücüsü, 22 yaşlı Mollazadə Səddam Məhəmməd oğlu, eləcə də, "VAZ-2107"nin sürücüsü, 31 yaşlı Mikayılov Namiq Əlirəhmət oğlu və sərnişin, 32 yaşlı Hüseynov Natiq Əlihüseyn oğlu xəsarət alıblar. Hər üç yaralı ağır vəziyyətdə 3 saylı şəhər kliniki xəstəxanasına çatdırılıb.
Hadisə ilə əlaqədar Sabunçu Rayon Polis İdarəsində araşdırmalara başlanılıb. Qəzanın səbəbinə araşdırmalardan sonra aydınlıq gətiriləcək.
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
