ŞOK: İŞİD 20 türk əsgərini əsir götürüb
"İslam Dövləti” terror qruplaşmasının silahlıları Suriyanın Hələb şəhərində 20 türk hərbçisini əsir götürüb. APA-nın “RİA Novosti”yə istinadən verdiyi xəbərə görə, bu barədə Livanın “Əl Mayəddin” telekanalı məlumat yayıb. Məlumata görə, əsir götürülən hərbçilər Osmanlı imperiyasının hökmdarlarının əcdadı Süleyman Şahın məqbərəsini qoruyurmuşlar.
Türkiyənin baş nazirinin müavini Bülənt Arınç bundan əvvəl məqbərənin «İslam Dövləti” silahlılarının mümkün hücumlarından qorunmasının vacibliyini qeyd etmişdi. O, həmçinin Suriya və İraqa hərbi müdaxiləni nəzərdə tutan mandatın artıq Türkiyə parlamentinə təqdim olunduğunu bildirmişdi.
Xatırladaq ki, dünən Süleyman şah məqbərəsinin ətrafında 1100 İŞİD terrorçusunun toplandığı barədə məlumat vermişdik.
Süleyman Şahın məqbərəsi Hələb şəhəri yaxınlığında, Cabir qalasının yanında yerləşir. 1921-ci ildə imzalanmış müqaviləyə əsasən, məqbərə Suriya ərazisində türk anklavı hesab edilir və Türkiyə hərbçiləri tərəfindən mühafizə olunur.
Apa.tv
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
