Başına 7 milyon dollar qoyulan terrorçu öldürüldü
Nigeriya höküməti “Boko Haram” terror qruplaşmasının başçısı Əbubəkr Şekainin öldürüldüyünü bəyan edib. APA TV-nin məlumatına görə, radikalların liderinin necə öldürüldüyü məlum deyil. Nigeriya hökuməti bununla bağlı hələlik heç bir açıqlama vermir. Əbubəkr Şekainin rəhbərlik etdiyi qruplaşma 2002-ci ildən hökumətə qarşı mübarizə aparır.
“Boko Haram” Nigeriya hökumətinin devrilməsinə və ölkənin şimalında islam dövlətinin yaradılmasına çalışır. 2013-cü ilin mayında Nigeriyanın prezidenti Qudlak Conatan ölkənin bir neçə ştatında fövqəladə vəziyyət elan edərək “Boka Haram” qruplaşmasına qarşı hərbi əməliyyatın başlandığını bəyan edib.
Şekainin adı ABŞ-ın Dövlət departamentinin beynəlxalq təhlükəli terrorçu siyahısında olub və onun tutulması üçün 7 milyon dollar mükafat vəd edilib.
“Boka Haram” qruplaşması BMT tərəfindən də terrorçu təşkilat kimi tanınıb.
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
