“Fövqəladə Hallar Qatarı” MMC-nin yeni binası istismara verilib
Bu gün “Fövqəladə Hallar Qatarı” MMC-nin yeni tikilən inzibati binası və təmir sexi istismara verilib.
“APA TV-nin xəbərinə görə, tədbirdə nəqliyyat nazirinin müavini Musa Pənahov, “Azərbaycan Dəmir Yolları” QSC-nin sədrinin birinci müavini Əlirza Süleymanov və Dünya Bankının nümayəndələri iştirak ediblər.
“Əsaslı Tikinti və Texniki Nəzarət” MMC-nin rəisi Sabir Məhərrəmov məlumat verərək bildirib ki, dəmir yolunda fövqəladə və qəza hallarının aradan qaldırılmasının təmin edilməsi məqsədilə, Biləcəri stansiyasında keçmiş “Buz zavodu”nun ərazisində 1 iyun 2013-cü ildə başlanan “Fövqəladə Hallar Qatarı” MMC-nin istehsalat bazasının tikinti işləri 1 avqust 2014-cü ildə başa çatdırılıb. Tikinti işlərini “6-cı mərtəbə” müstəqil şirkəti həyata keçirib.
Ümumi ərazisi 25296 kvadrat-metr olan istehsalat bazasında inzibati bina, təmir sexi, avtomobillərin dayanacağı üçün talvar, su və çirkab su anbarları inşa edilib.
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
