“Bakı Metropoliteni” qış qrafikinə keçib
Bu gündən etibarən “Bakı Metropoliteni” QSC qatarların qış qrafiki üzrə hərəkəti təmin edib. Bu barədə “APA-Economics”ə “Bakı Metropoliteni”nin mətbuat xidmətinin rəhbəri Nəsimi Paşayev bildirib.
Onun sözlərinə görə, iyulun 17-dən etibarən metropoliten yay qrafiki ilə fəaliyyət göstərib. Bu qrafikə görə xəttə buraxılan qatarların sayı 24 cüt, qatarlar arasındakı intervallar isə 4-6 dəqiqə artırılıb.
N. Paşayev deyib ki, yay rejimində gündəlik olaraq metronun xidmətindən 400-450 min sərnişin istifadə edirdisə, qış rejimində metrodan gündəlik olaraq 700 min sərnişin istifadə edir.
QSC rəsmi bildirib ki, sentyabrın 15-dən etibarən “Bakı Metropoliteni” qış qrafiki ilə fəaliyyət göstərir. Bununla bağlı artıq xətlərə 30 cüt qatar buraxılıb. İntervallar da maksimum dərəcədə azaldılıb. Hazırda intervallar arasında 1,5-2,5 dəqiqədir.
Səhər saatlarında metropolitenin bütün stansiyalarında normal olaraq sıxlıq müşahidə olunduğunu deyən N. Paşayev, hər hansı xoşagəlməz hadisə qeydə alınmadığını da vurğulayıb.
Qış mövsümü tədris ilin yekunlaşana qədər davam edəcək.
Apa.tv
OXŞAR XƏBƏRLƏR
Azərbaycan Prezidenti İlham Əliyevin Bişkekdə Ermənistanın Baş naziri ilə görüşü keçirilir
Azərbaycan Prezidenti İlham Əliyev Qırğızıstana işgüzar səfərə gəlib
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
