Xaçmazda iki "VAZ" toqquşdu: 3 yaralı
Bu gün səhər saatlarında Xaçmaz rayonu ərazisində, Gəndob-Yalama yolunun 18-ci km-də yol-nəqliyyat hadisəsi baş verib. APA TV-nin şimal bürosunun verdiyi məlumata görə, 1979-cu il təvəllüdlü Vüqar İslamovun idarə etdiyi “VAZ 2107” markalı avtomaşınla Şabran şəhər sakini Vüqar Məmmədovun idarə etdiyi “VAZ 21015” markalı avtomaşın toqquşub. Hadisə nəticəsində hər iki maşının sürücüsü və “VAZ 2107”-də olan sərnişin, Xaçmaz rayonu Üçkün kənd sakini, 1986-cı il təvəllüdlü Qalib Əsədov müxtəlif bədən xəsarətləri ilə Xaçmaz Mərkəzi Rayon Xəstəxanasına yerləşdirilib.
Xəsarət alanlardan V.Məmmədov ilkin tibbi yardımdan sonra ambulator müalicə üçün evə buraxılıb. “VAZ 2107”-nin sürücüsü və sərnişinin vəziyyətləri orta ağır olduğu üçün müalicələri Xaçmaz MRX-da davam etdirilir.
Faktla bağlı araşdırmalar davam etdirilir.
Vəli Turan
OXŞAR XƏBƏRLƏR
Azərbaycan Prezidenti İlham Əliyevin Bişkekdə Ermənistanın Baş naziri ilə görüşü keçirilir
Azərbaycan Prezidenti İlham Əliyev Qırğızıstana işgüzar səfərə gəlib
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
