Bakıda kütləvi dava olub, 2 gənc bıçaqlanıb
Bakının Suraxanı rayonunda kütləvi dava baş verib. APA-nın məlumatına görə, hadisə Hövsan qəsəbəsinin İlqar Əhlimanov küçəsində baş verib. Təxminən 10 nəfərin iştirak etdiyi davada soyuq silahdan da istifadə edilib, 2 nəfər yaralanıb. Yaralılar 3 saylı Şəhər Kliniki Xəstəxanasına aparılıb.
Xəstəxanadan APA TV-yə verilən məlumata görə, kütləvi davadan sonra xəstəxanaya iki nəfər gətirilib. Bunlar kürəyindən bıçaq xəsarəti alan 1993-cü il təvəllüdlü Hüseynli Nicat Hüseyn oğlu və ayağından bıçaqlanan 1994-cü il təvəllüdlü Xasıyev Süleyman Füzuli olğludur. Hər iki yaralıya ilkin tibbi yardım göstərilib, vəziyyətləri ağırdır.
Hadisə yerində Suraxanı Rayon Polis İdarəsinin 30-cu Polis Bölməsinin əməkdaşları ilkin araşdırma aparıblar. Bölmədən APA TV-yə verilən məlumata görə, hələlik qanlı hadisənin digər iştirakçıları və davanın səbəbləri məlum deyil. Faktla bağlı araşdırmalar davam etdirilir.
OXŞAR XƏBƏRLƏR
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
Azərbaycan Prezidenti İlham Əliyevin Bişkekdə Ermənistanın Baş naziri ilə görüşü keçirilir
Azərbaycan Prezidenti İlham Əliyev Qırğızıstana işgüzar səfərə gəlib
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
