Azərbaycan "Euro-2016"-ya məğlubiyyətlə başladı: 1-2
Azərbaycan millisi 2016-cı ilin Avropa çempionatının seçmə mərhələsinə məğlubiyyətlə başlayıb. Millimizin ilk turdakı rəqibi Bolqarıstan yığması olub.
Komandalar arasındakı ilk rəsmi qarşılaşma Bolqarıstan yığmasının 1:2 hesablı qələbəsi ilə başa çatıb.
APA TV-nin xəbərinə görə, oyunda hesab 14-cü dəqiqədə açılıb. Bolqarıstan millsinin oyunçusu İliyan Miçanski komandasını hesabda irəli çıxarıb. Birinci hissə bu hesabla başa çatıb.
İkinci hissədə millimiz hesabı bərabərləşdirmək üçün irəli atıldı və istəyinə 54-cü dəqiqədə nail olub. Dmitri Nazarov uzaqdan gözəl zərbə ilə komandamızın bərabərlik qolunu vurub.
Amma futbolçularımız millimizə 1 xal gətirə biləcək hesabı oyunun sonunadək qoruya bilməyib. 87-ci dəqiqədə Bolqarıstan yığması yenidən hesabda irəli çıxıb. Bu dəfə Ventsislav Xrisov fərqlənib - 1:2.
Qeyd edək ki, millimiz seçmə mərhələdə ikinci matçını oktyabrın 10-da səfərdə İtaliya yığmasına qarşı keçirəcək.
Apa.tv
OXŞAR XƏBƏRLƏR
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
Azərbaycan Prezidenti İlham Əliyevin Bişkekdə Ermənistanın Baş naziri ilə görüşü keçirilir
Azərbaycan Prezidenti İlham Əliyev Qırğızıstana işgüzar səfərə gəlib
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
