Xaçmazda iki “VAZ 2107” toqquşub, 6 nəfər yaralanıb
Xaçmazda iki “VAZ 2107” maşını toqquşub, 6 nəfər xəsarət alıb. Hadisə sentyabrın 8-i axşam saatlarında Xaçmaz rayonu ərazisində qeydə alınıb. APA TV-nin şimal bürosunun məlumatına görə, yol-nəqliyyat hadisəsi rayonun Pirquluoba kəndi ərazisində baş verib. Samir Tarverdiyevin idarə etdiyi “VAZ 2107” markalı avtomaşınla Vahid Cəbrayılovun idarə etdiyi eyni markalı avtomaşın toqquşub. Qəza nəticəsində hər iki maşında olan 6 nəfər müxtəlif dərəcəli bədən xəsarətlərilə Xaçmaz Mərkəzi Rayon Xəstəxanasına yerləşdirilib. Xəsarət alanlar Xaçmaz rayonu, Pirquluoba kənd sakinləri 1982-ci il təvəllüdlü Samir Tarverdiyev, 1992-ci il təvəllüdlü Rəşad Tarverdiyev, və Bakı şəhəri, Qobustan qəsəbə sakinləri, 1987-ci il təvəllüdlü Kamran Qədirov 1985-ci il təvəllüdlü Vahid Cəbrayılov, 1989-cu il təvəllüdlü Elvin Cəfərov və Əlsafa İmamquliyevdir. Faktla bağlı Xaçmaz rayon Polis Şöbəsində araşdırmalar aparılır.
Vəli Turan
OXŞAR XƏBƏRLƏR
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
Azərbaycan Prezidenti İlham Əliyevin Bişkekdə Ermənistanın Baş naziri ilə görüşü keçirilir
Azərbaycan Prezidenti İlham Əliyev Qırğızıstana işgüzar səfərə gəlib
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
