Azərbaycanlı sərnişinin qalmaqal yaratdığı təyyarə İrəvana məcburi eniş edib
Rusiyanın "Aeroflot aviaşirkətinə məxsus, Dubay-Moskva reysi ilə uçan təyyarə İrəvanın hava limanına məcburi eniş edib. Buna səbəb sərnişinlərdən birinin təyyarədə sərxoş vəziyyətdə səs-küy və dava-dalaş salması olub. APA TV-nin Vesti.az-a istinadən verdiyi xəbərə görə, təyyarədə xuliqanlıq edən şəxsin kimliyi araşdırılarkən onun 30-35 yaşlarında Azərbaycan vətəndaşı olduğu müəyyənləşib. Bildirilir ki, təyyarə havaya qalxarqalxmaz o, özünü kobud aparmağa başlayıb, söyüş söyüb və sərnişinləri narahat etməyə başlayıb. Stüardessalar onu sakitləşdirməyin mümkünsüzlüyünü görüb, sərnişinlərdən kömək istəyiblər. 5-6 nəfər kişi ayağa qalxaraq onun əl-qolunu tutub, oturacağa sarıyıblar. İrəvan aeroportunda isə təyyarəyə tibb işçiləri dəvət olunublar. Onlar azərbaycanlıya sakitləşdirici iynə vurublar və o, yatıb. Bundan sonra yenidən havalanan təyyarə Moskvaya 3 saat gecikmə ilə çatıb.
Apa.tv
OXŞAR XƏBƏRLƏR
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
Azərbaycan Prezidenti İlham Əliyevin Bişkekdə Ermənistanın Baş naziri ilə görüşü keçirilir
Azərbaycan Prezidenti İlham Əliyev Qırğızıstana işgüzar səfərə gəlib
