APA TV Kəpəz dağında – XÜSUSİ REPORTAJ
Gəncədə sadə vətəndaşlardan ibarət təşəbbüskar qrupu əfsanəvi Kəpəz dağının haça zirvəsinə qalxıblar. Dəniz səviyyəsindən 3030 metr hündürlüyə qalxmaq istəyənlər arasında yaşlılar, gənclər, uşaqlar, hətta bir neçə ailə. o cümlədən bir Olimpiya çempionu yer alıb. APA TV-nin çəkiliş qrupu da təşəbbüskarla qoşulub. Ən yaşlısının 62, ən kiçiyinin isə 8 yaşı olan 35 nəfərdən ibarət bu komanda əvvəlcə Hacıkənddən maşınlarla Kəpəzin ətəklərinə doğru yol aldı. Ardınca Kəpəzin zirvəsinə doğru 3 saatadək davam edən yürüş başlayır.
Kəpəz dağı ilə bağlı maraqlı faktları böyükdən kiçiyə demək olar ki, hər kəs bilir. Mənbələrə görə isə dağın qədim adı Alparaq olub. Alp – uca deməkir. Nizami Gəncəvinin əsərlərində dağın adı Alparaq olaraq bir neçə dəfə çəkilib. 1139-cu ilin məlum güclü zəlzələsi zamanı dağın ucu qoparaq yaxınlıqdan keçən Ağ-su çayının qabağını kəsib və füsunkar Göy Gölü əmələ gətirib. Amma bu hadisə ilə bağlı daha maraqlı bir versiya da mövcuddur. Deyilənlərə görə, dağın zirvəsinə səma cismi - meteorit düşüb, zəlzələ də bu səbəbdən olub. Dağın başı partlayışla parçalanıb, iri qayalar ətrafa səpələnib, göllər yaranıb. Bu nəhəng fəlakətdən sonra başı partlayış və alovlarla qopmuş dağ “Kuhi-pəz”- “yanan dağ” adı alıb.
Keçək yürüşə. Komanda aralıq məntəqələrdə 3 dəfə dincəldikdən sonra, sonuncu mərhələni keçib nəhayət ki, zirvəyə çatdı.
İştirakçıların sevincinin həddi-hüdudu yoxdur.
Yürüşün ən qürurlu məqamı isə zirvədə himnimizin oxunması və üçrəngi bayrağımızın dalğalanması oldu.
Apa.tv
OXŞAR XƏBƏRLƏR
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
Azərbaycan Prezidenti İlham Əliyevin Bişkekdə Ermənistanın Baş naziri ilə görüşü keçirilir
Azərbaycan Prezidenti İlham Əliyev Qırğızıstana işgüzar səfərə gəlib
