Zaqatalada meşə yanıb
Zaqatala Dövlət Təbiət Qoruğunda yanğın baş verib. APA TV-nin məlumatına görə, avqustun 9-u saat 17:00 radələrində Zaqatala Dövlət Təbiəti Qoruğunun Balakən rayonu ərazisindən keçən hissəsində, Balakən çayının sol sahilində dağlıq meşə ərazinin 4 saylı dolayında naməlum səbəbdən yanğın başlayıb. Hadisə yerinə Fövqəladə Hallar Nazirliyinin Balakən rayon Dövlət Yanğından Mühafizə Hissəsinin 3 yanğınsöndürən maşını və şəxsi heyəti, FHN-nin Zaqatala və Qax rayonlarının DYMH-dən hər birindən bir yanğınsöndürən maşın və şəxsi heyət və Ekologiya və Təbii Sərvətlər Nazirliyinin əməkdaşları cəlb ediliblər. Axşam saat 21:00 radələrinə qoruq ərazisində baş verən yanğın lokallaşıb. Hadisə nəticəsində qoruq ərazisində 6 hektara yaxın sahədə meşə örtüyü və kol-kos yanıb. İri gövdəli ağacların yanmasının qarşısı alınıb. Yanğının tam söndürülməsi səhər saat 6 radələrində baş tutub.
Apa.tv
OXŞAR XƏBƏRLƏR
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
Azərbaycan Prezidenti İlham Əliyevin Bişkekdə Ermənistanın Baş naziri ilə görüşü keçirilir
Azərbaycan Prezidenti İlham Əliyev Qırğızıstana işgüzar səfərə gəlib
