Kür çayının üzərində ikinci dəmiryolu körpüsü istifadəyə verilib
Bu gün Poylu-Salahlı mənzilinin 73-cü kilometrliyində, Kür çayının üzərindən keçən ikinci dəmiryolu körpüsü istifadəyə verilib. Acılış mərasimində nəqliyyat naziri Ziya Məmmədov və Azərbaycan Dəmir Yolları QSC-nin sədri Arif Əsgərov da iştirak edib. Poylu-Salahlı mənzilinin bu ərazisində ikinci dəmir yolu körpüsünün üzərindən keçməklə 1900 metr yeni dəmir yolu çəkilib.
Ziya Məmmədov deyib ki, ölkədə yol-nəqliyyat kompleksi tikintisinə böyük diqqət yetirilir. Körpünün açılışı da bu diqqət, qayğının təzahürüdür: "Bu körpü böyük önəm daşıyan nəqliyyat qurğusudur. Kür çayı üzərində salınan ikinci dəmiryolu bağlantısıdır. Ələt qəsəbəsində yeni Bakı Beynəlxalq Ticarət Limanı inşa edilir. Həmin ticarət mərkəzi istifadəyə veriləndən və Bakı-Tbilisi-Kars dəmiryolu xətti işə düşəndən sonra ondan sonra bu körpünün əhəmiyyəti daha da artacaq. Xüsusilə tranzit daşımalarda önəmli artacaq".
Bu işlər prezident İlham Əliyevin 2010-ci ildə imzaladığı “Azərbaycan Respublikasında dəmir yolu nəqliyyat sisteminininn 2010-14-cü illərdə inkişafına dair" Dövlət Proqramının təsdiq edilməsi haqqında sərəncamına uyğun olaraq həyata keçirilir.
Azər Məmmədli
OXŞAR XƏBƏRLƏR
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
