Rusiyada azərbaycanlıları daşıyan mikroavtobus qəzaya uğradı: 5 yaralı
Rusiyanın Stavropol diyarı ərazisində yol-nəqliyyat hadisəsində Azərbaycan vətəndaşları xəsarət alıb. APA TV-nin Rusiya mətbuatına istinadən verdiyi məlumata görə, “Mercedes” markalı mikroavtobusun “VAZ 2113” markalı minik avtomobili ilə toqquşması nəticəsində 1 nəfər ölüb, 8 nəfər yaralanıb. Mikroavtobusla toqquşan "Jiquli"dəki iki nəfərin vəziyyəti ağırdır. Mikroavtobusda xəsarət alan 6 nəfərdən biri sürücü, digərləri mikroavtobusun sərnişinləri olub. Onların hamısı Azərbaycan vətəndaşıdır. Yaralanan şəxslərin kimliyi məlum olub. Xəsarət alan Azərbaycan vətəndaşları - Əliquliyev Sərəddin Amir oğlu, Qurbanova Urbiyyə Zülfüqar qızı, Rüstəmli Əsədulla Bəhlul oğlu, İbadlı Xamir Ehtiram oğlu, Abışov Rəis Baloğlan oğlu. Yaralılar Georgiyevsk Mərkəzi Xəstəxanasına yerləşdiriliblər. Faktla bağlı araşdırma aparılır.
OXŞAR XƏBƏRLƏR
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
