Səbail RİH-də jurnalistlərlə görüş keçirilib
Milli Mətbuat günü ərəfəsində Səbail rayon İcra Hakimiyyətində jurnalistlərlə görüş keçirilib. APA TV-nin xəbərinə görə, görüşdə Səbail rayon İcra Hakimiyyətinin başçısı Asif Əsgərov bildirib ki, bu il artıq 139 illiyini qeyd edilən Azərbaycan Milli Mətbuatı böyük və şərəfli inkişaf yolu keçib, bütün dövrlərdə qabaqcıl ideyaların carçısı olub. Onun sözlərinə görə, mətbuat mütərəqqi ənənələri formalaşdıraraq, cəmiyyət qarşısında üzərinə götürdüyü missiyanı layiqincə yerinə yetirib. Azərbaycanda bu gün medianın inkişafı üçün hər cür şərait yaradılıb. Tədbirdə çıxış edən Mətbuat Şurasının sədri Əflatun Amaşov kütləvi informasiya vasitələri nümayəndələrinin işi, qəzet və elektron informasiya vasitələrinin bu cəmiyyətdəki rolu, dövlət tərəfindəni onlara göstərilən qayğı barədə məlumat verib. O, həmçinin dövlət orqanları ilə mətbuat nümayəndələri arasında sıx əlaqələrin qurulmasının və bu kimi tədbirlərin keçirilməsinin vacibliyindən danışıb. Tədbirdə Səbail rayon İcra Hakimiyyəti və KİVDF ilə birgə yeni fərdi jurnalist yazıları müsabiqəsinin keçirilməsi qərara alınıb. Sonda Milli Mətbuat günü münasibətilə 60-dan çox KİV nümayəndəsinə Səbail rayon İcra Hakimiyyəti tərəfindən qiymətli hədiyyələri təqdim olunub.
Almaz Qasımova
OXŞAR XƏBƏRLƏR
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
