Lənkəranda 17 yaşlı qızı maşın vurub
Lənkəranda yolu keçmək istəyən 17 yaşlı qızı yük maşını vurub. APA TV-nin cənub bürosunun məlumatına görə, hadisə iyulun 15-də şəhərin Şəhidlər Xiyabanı ərazisində qeydə alınıb. Lənkəran şəhər sakini, 1997-ci il təvəllüdlü Nigar Şahin qızı Məmmədzadə yolu keçmək istəyərkən, rayonun Türkəkəran kənd sakini, 1993-cü il təvəllüdlü Hakim Mübariz oğlu Tahirovun idarə etdiyi "Abadlıq" kombinatına məxsus zibil daşıyan “KamAZ” markalı yük maşını ilə vurulub. Nəticədə müxtəlif dərəcəli bədən xəsarətləri alan N.Məmmədzadə Lənkəran Mərkəzi Rayon Xəstəxanasına yerləşdirilib. Həkimlər onun vəziyyətini orta-ağır qiymətləndirirlər. Hadisəyə yük maşınının yüksək sürətlə idarə edilməsinin səbəb olduğu bildirilir.
Faktla bağlı Lənkəran Şəhər-Rayon Polis Şöbəsində araşdırmalara başlanıb.
OXŞAR XƏBƏRLƏR
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
