Həmas İsrail ordusunu geri çəkilməyə məcbur etdi
İsrail Qəzzaya ordu yeridib. 6 günlük raket hücumlarından sonra İsrail ordusu və Həmas ilk dəfə quruda qarşılaşıb. APA TV-nin məlumatına görə, Həmasın hərbi qolu "İzzəddin Qəssam"la döyüşə girən İsrail əsgərləri Qəzza sektorunun şimalında yerləşən Həmasa aid raket atma sahəsinə hücum edib. İsrail ordusunun sözçüsü bildirib ki, Həmasın atəş açması ilə başlanan münaqişədə raket qurğularının yerləşdiyi nöqtələr məhv edilib. İsrail ordusu əməliyyatdan sonra geri çəkilib. Həmas isə İsrail ordusunun hücumunun sahildəcə qarşısının alındığını və onların quruya çıxmasına imkan verilmədiyini bildirib. Şənbə günü İsrail xarici işlər naziri Avidor Liberman hökumətin bazar gününə qədər quruda müharibə ilə bağlı qərar verəcəyini söyləmişdi. Bu gecə İsrail ordusunun Qəzza sektoruna atdığı raketlər nəticəsində 3 nəfərin öldüyü, bununla da ölənlərin sayının 163-ə çatdığı bildirilir. Ölənlərdən biri 2 yaşlı uşaqdır.
Apa.tv
OXŞAR XƏBƏRLƏR
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
