Suaressiz Uruqvay millisi üçün çempionat bitdi, Kolumbiya 1/4 finalda
Kolumbiya millisi futbol üzrə dünya çempionatının 1/8 final mərhələsinin qarşılaşmasında Uruqvay yığmasını məğlub etdi. APA TV-nin məlumatına görə, Rio-de-Janeyrodakı "Marakana" stadionunda keçirilən oyun kolumbiyalıların 2:0 hesabı ilə başa çatdı. Qalib komandanın heyətində yarımmüdafiəçi Xames Rodriges dubla imza atdı. O, əvvəlcə 28-ci dəqiqədə mükəmməl qolla fərqləndi. Rodriges oyundakı ikinci, dünya çempionatındakı beşinci qolunu ikinci hissədə - qarşılaşmanın 50-ci dəqiqəsində vurdu. Xames Rodriges bu qollarla turnirin ən sərrast futbolçularının siyahısına başçılıq edir. Qeyd edək ki, uruqvaylılar 1/8 final qarşılaşmasına İtaliya millisi ilə oyunda rəqib oyunçunu dişlədiyinə görə cəzalandırılan Luis Suaressiz çıxmışdılar. Beləliklə, Kolumbiya millisi 1/4 final mərhələsinə vəsiqə qazandı. Növbəti mərhələdə kolumbiyalıların rəqibi Braziliya yığması olacaq. Bu qarşılaşma iyulun 5-də keçiriləcək.
OXŞAR XƏBƏRLƏR
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
