Rusiya, “Davay, do svidaniya ”
Rusiyanın futbol millisi dünya çempionatınn qrup mərhələsinin sonuncu turunda Əlcəzair yığmasına qalib gələ bilmədi. Qarşılaşma 1:1 hesablı heç-heçə ilə bitdi.
Rusiya millisi hesabı 6-cı dəqiqədə açdı. Aleksandr Kokorin Dmitri Kombarovun ötürməsindən sonra topu Əlcəzair yığmasının qapısından keçirdi.
Birinci hissə rusların üstünlüyü ilə başa çatdı.
60-cı dəqiqədə Əlcəzair yığmasının hücumçusu İslam Slimani Rusiya millisinin qapıçısı İqor Akinfeyevin çıxışdakı səhvindən yararlandı və hesabı bərabərləşdirdi - 1:1.
Bundan sonra oyunda qol olmadı. Beləliklə, Rusiya millisi 2 xal topladı və qrupda üçüncü yeri tutdu. Əlcəzair isə 4 xalla 1/8 finala vəsiqə qazandı.
Əlcəzair yığmasının növbəti mərhələdəki rəqibi Almaniya millisi olacaq.
Rusiya yığması isə dalbadal üçüncü dəfədir pley-off mərhələsinə vəsiqə qazana bilmir. Sonuncu dəfə 1986-cı ildə SSRİ yığması dünya çempionatında mərhələ keçib. SSRİ dağıldıqdan sonra isə Rusiya millisi 1994, 2002 və 2014-cü illərdə dünya çempionatında iştirak edib və qrupda qalıb.
OXŞAR XƏBƏRLƏR
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
