“VAZ 2106” dərəyə aşdı: eyni ailədən 1 ölü, 5 yaralı
Tovuzda ölümlə nəticələnən yol-nəqliyyat hadisəsi baş verib. Rayon Polis Şöbəsindən APA TV-nin qərb bürosuna verilən məlumata görə, hadisə rayonun dağ kəndi olan Sarıtalada qeydə alınıb. Tovuz rayonu Aşağı Quşçu kənd sakini, 53 yaşlı Sərdar Hüseynovun idarə etdiyi “VAZ 2106” markalı avtomaşın dərəyə aşıb. Qəza zamanı maşında sürücü ilə birlikdə 6 nəfər olub. Sürücü aldığı xəsarətdən hadisə yerində ölüb. Sərnişinlər – 19 yaşlı Səbinə Hüseynova, 46 yaşlı Sevinc Hüseynova, 6 yaşlı Lalə Hüseynova, 77 yaşlı Gülarə Hacıyeva və 54 yaşlı Aybəniz Hüseynova müxtəlif dərəcəli bədən xəsarətləri ilə Tovuz rayon mərkəzi xəstəxanasına yerləşdirilib. Onların vəziyyəti kafi qiymətləndirilir.
Qəza zamanı yüksəklikdən ağacların üstünə düşən avtomobildə olan sərnişinlər yaxınlıqda yaşayan sakinlərin köməyi ilə xilas edilib. Faktla bağlı Tovuz rayon Polis Şöbəsində araşdırma aparılır.
Azər Məmmədli
OXŞAR XƏBƏRLƏR
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
