Moskva aeroportunda sərnişinin 571 min dollarını oğurladılar
Moskvanın Vnukovo hava limanında Rusiyanın Nijnekamensk şəhərindən gələn sərnişinə basqın edilib. Onun çantasından zorla 571 min dollardan çox pul aparılıb. Naməlum şəxslərin hücumuna məruz qalan şəxs bu barədə Daxili İşlər Nazirliyinin Nəqliyyat polisinə müraciət edib. APA TV-nin Rusiyanın İTAR-TASS Agentliyinə istinadən verdiyi məlumata görə, basqınçılar hava limanının "A" terminalına yaxınlaşan sərnişinə hücum edib, ona silahla hədə-qorxu gəliblər. Çantanı onun əlindən alan naməlum şəxslər 4 nəfər olub. Onlar üzlərinə maska keçirib və əyinlərində qara geyimlər olub. Bundan sonra onlar aradan çıxıblar. Zərərçəkən polisə hadisədən 12 saat sonra məlumat verib. Onun adı açıqlanmır. Hadisənin başqa təfərrüatları barədə məlumat verilmir. Nəqliyyat polisi cinayətkarların tapılması üçün əməliyyat-axtarış tədbirləri həyata keçirir.
Apa.tv
OXŞAR XƏBƏRLƏR
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
