Meksika millisi növbəti mərhələdə; rəqib Hollandiya yığmasıdır
Dünya çempionatında 1/8 finala keçən ikinci komanda Meksika olub. Matçın 72-ci dəqiqəsinə qədər hesab açılmayıb. Bundan sonra isə meksikalılar dalbadal 3 qol vurublar.
Meksika-Xorvatiya oyununda ilk hissə heç-heçə başa çatıb.
Qarşılaşmanın 70-ci dəqiqəsində Rafa Markes künc zərbəsindən sonra başı ilə topu Xorvatiya millisinin qapısına göndərib.
Bundan 5 dəqiqə sonra isə Xuan Quadrado Meksika millisinin hesabdakı üstünlüyünü artırıb: Meksika 2 - Xorvatiya 0.
Xorvatiyaya növbəti mərhələyə çıxmaq üçün mütləq qələbə lazım idi. Meksikaya isə heç-heçə də kifayət edirdi.
82-ci dəqiqədə Çiçarito Meksika millisinin üçüncü qolunu vurub. 87-ci dəqiqədə isə Xorvatiya yığmasının futbolçusu İvan Perişiç hesab arasındakı fərqi azaldıb: Meksika 3 - Xorvatiya 1.
Beləcə Meksika millisi Xorvatiya yığmasını 3:1 hesabı ilə məğlub edib və pley-off mərhələsinə vəsiqə qazanıb. Meksikalılar növbəti mərhələdə Hollandiya yığması ilə qarşılaşacaqlar.
OXŞAR XƏBƏRLƏR
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
Azərbaycan Prezidenti İlham Əliyevin Bişkekdə Qazaxıstan Prezidenti ilə görüşü olub
