Almaniya Qana ilə bərabərə qaldı
Dünya Çempionatının "G" qrupunun növbəti oyunu keçirilib. APA TV-nin məlumatına görə, "Kastelao" stadionun da keçirilən oyunda Almaniya ilə Qana yığmaları üz-üzə gəliblər. Komandaların qarşılıqlı hücum şəraitində keçən oyunun birinci hissəsi heç-heçə yekunlaşıb. İkinci hissədə, 51-ci dəqiqədə Almaniya yığması adından hesabı Mario Qötze açıb. Qanalıların cavabı gecikməyib. 3 dəqiqə sonra Adre Ayev hesabı bərabərləşdirib. Qana yığması bununla kifayətlənməyib. Asamoa Qyan 63-cü dəqiqədə vurduğu qolla komandasını hesabda irəli keçirib. Qapısına iki top vurulan Almaniya futbolçuları davamlı hücum taktikası ilə rəqib qapısını təzyiq altında saxlayıblar. Miroslav Klouse 71-ci dəqiqədə hesabı bərabərləşdirib. Beləcə oyun 2:2 hesabı ilə başa çatıb.
OXŞAR XƏBƏRLƏR
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
