Suriyada öldürülən daha bir azərbaycanlının kimliyi bilindi
Suriyada öldürülən daha bir azərbaycanlının şəxsiyyəti müəyyənləşib. Hüquq-mühafizə orqanlarından APA-ya verilən məlumata görə, iyunun 9-da Suriyanın Raqqa şəhəri yaxınlığında Bəşər Əsəd qüvvələrinin endirdiyi hava zərbələri nəticəsində həlak olan azərbaycanlının Tərtər rayon sakini, 1981-ci il təvəllüdlü İlqar Çingiz oğlu Əliyev olduğu müəyyən edilib.
Onun bir müddət əvvəl Azərbaycanı tərk edərək Suriyaya getdiyi və “İraq Şam İslam Dövləti” silahlı qruplaşmasına qoşulduğu bildirilir.
Xatırladaq ki, İ. Əliyevin öldürülməsi barədə azərbaycanlı döyüşçülər 10 gün əvvəl sosial şəbəkələrdə məlumat yayıblar. Döyüşçülər İ. Əliyevin meyitinin fotosunu da paylaşıblar.
Polis əməkdaşları məhz bu fotonun köməkliyi ilə onun şəxsiyyətini müəyyən edə biliblər.
Qeyd edək ki, Suriyada vəziyyət gərginləşəndən sonra bir qrup Azərbaycan vətəndaşı bu ölkəyə gedərək müxtəlif qruplaşmaların tərkibində vuruşmağa başlayıb.
Apa.tv
OXŞAR XƏBƏRLƏR
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
