Bakıda yeni metrostansiyanın tikintisinə başlanacaq
"Yaxın vaxtlarda Səbayıl rayonunun Batamdar qəsəbəsində yeni metrostansiyanın tikintisinə başlanacaq".
Bunu APA TV-yə "Bakı Metropoliteni” Qapalı Səhmdar Cəmiyyətinin mətbuat xidmətinin rəhbəri Nəsimi Paşayev bildirib. Onun sözlərinə görə, 2030-cu ilə kimi "Bakı Metropoliteni”nin 53 yeni stansiyanın tikilməsi nəzərdə tutulur. Batamdardakı stansiya "sarı xətt" üzrə inşa ediləcək: "Binəqədi ərazisindən başlayıb, Şıx çimərliyinə kimi uzanacaq yeni "Sarı xətt"in üzərində bir neçə stansiyanın tikilməsi planlaşdırılır. Şərti adı "Badamdar" olan stansiyanın da həmin xəttin üzərində tikilməsi nəzərdə tutulur. Hazırda həmin stansiyanın hansı ərazidə tikilməsini söyləmək mümkün deyil. Ümumi sxem var, lakin stansiyaların yeri dəqiqləşməyib".
Nəsimi Paşayev deyir ki, “Bakı Metropoliteni xətlərinin konseptual inkişaf sxemi”nə uyğun olaraq çəkiləcək yeni xətlərin hər birində qatarların hərəkət istiqaməti ayrılıqda olacaq, yəni bir-biri ilə kəsişməyəcək: "Binəqədi stansiyasında əyləşən sərnişin Şıx dairəsinə kimi sadəcə yol üzərindəki stansiyalarda enib-minməklə sona kimi davam edəcək. "Qırmızı", "Bənövşəyi", "Mavi" və digər xətlər üzrə də eyni qayda tətbiq ediləcək".
Qeyd edək ki, Fransa prezidenti Fransua Ollandın Azərbaycana rəsmi səfəri zamanı “Bakı Metropoliteni” QSC ilə Fransanın üç şirkəti arasında beş anlaşma memorandumu imzalanıb.
OXŞAR XƏBƏRLƏR
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
Prezident İlham Əliyev və Məsud Pezeşkian nələri müzakirə etdilər
