Şamaxıda 6 otaqlı ev külə döndü, bir ailə evsiz qaldı
Şamaxıda yaşayış evi yanıb. APA TV-nin məlumatına görə, hadisə şəhərin Qurban Namazəliyev küçəsindəki 9 nömrəli evdə qeydə alınıb. Şəhər sakini Əntiqə Malayevaya məxsus ümumi sahəsi 360 kvmetr olan evdə baş verən güclü yanğın hadisəsi qısa vaxtda genişlənərək böyük ərazini əhatə edib. Hadisə zamanı evdəki əşyalar, o cümlədən ev sahibinin qızıl-zinət əşyaları yanaraq külə dönüb.
Ev sahibinin sözlərinə görə elektirik naqilində baş verən qısaqapanma nəticəsində mənzil tüstüləməyə başlayıb və bir anda alovlanıb. İkimərtəbəli 6 otaqlı evdə baş verən yanğının söndürülməsi üçün Şamaxı Dövlət Yanğından Mühafizə Hissəsinin 2 yanğınsöndürən maşını və canlı qüvvəsi cəlb olunub. Hadisə zamanı iki mərtəbəli evin 4 otağı yanıb. Yanğınsöndürənlər alovun qarşısı alıb və evin qalan hissəsi yanğından mühafizə olunub. Yanğın zamanı xəsarət alan olmayıb. Hadisənin hansı səbəbdən baş verdiyi hələ ki, dəqiq məlum deyil. Faktla bağlı araşdırma aparılır.
Elvin Yaqubov
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
