Suriyada döyüşən 5 azərbaycanlı həbs edilib
Suriyada döyüşlərdə iştirak edən 5 Azərbaycan vətəndaşı həbs edilib. APA-nın hüquq-mühafizə orqanlarından əldə etdiyi məlumata görə, Sumqayıt şəhər sakini, 1985-ci il təvəllüdlü Balakişiyev Mehman Pirbala oğlu və onunla birlikdə Suriyada döyüşlərdə iştirak etmiş, hələlik adları açıqlanmayan dörd nəfər azərbaycanlı Suriyadan Türkiyəyə gələrkən həbs olunub və Naxçıvan Muxtar Respublikasının hüquq-mühafizə orqanlarına təhvil verilib.
İşgəncələrə Qarşı Azərbaycan Komitəsinin sədri Elçin Behbudov APA-ya bildirib ki, Milli Təhlükəsizlik Nazirliyinin istintaq təcridxanasında saxlanılan Mehman Balakişiyevlə görüşüb. Qanunsuz olaraq silahlı birləşmə yaratmaqda ittiham olunan Mehman Balakişiyev 2013-cü ilin oktyabrında Suriyaya getdiyini, 7 ay döyüşlərdə iştirak etdiyini deyib. O, din uğrunda vuruşduğunu bildirib, əlavə edib ki, oraya, əsasən, qənimət və pul əldə etmək üçün gedirlər. Mehman Balakişiyev əməlindən peşman olduğunu da vurğulayıb.
Apa.tv
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
