Almaniya millisi portuqaliyalıları diz çökdürdü - 4:0
Futbol üzrə dünya çempionatının G qrupunun ilk oyununda Almaniya və Portuqaliya milliləri qarşılaşıblar.
Almaniya millisi hesabı oyunun 12-ci dəqiqəsində açıb. Tomas Müller Mario Götzenin qazandığı penaltini ustalıqla yerinə yetirib.
32-ci dəqiqədə Mats Hummels almanların üstünlüyünü iki topa çatdırıb.
Bundan cəmi beş dəqiqə sonra portuqaliyalılar meydanda azlıqda qalıblar. Pepe Almaniya millisinin hücumçusu Tomas Müllerə qarşı kobudluq edib, üstəlik yerə yıxılan rəqibini başı ilə də vurub.
Hakim Pepeyə bu davranışına görə qırmızı kart göstərib.
Birinci hissənin sonuncu dəqiqəsində Tomas Müller dubla imza atıb və hesabı darmadağın həddinə çatdırıb - 3:0.
İkinci hissə hadisələrlə daha az zəngin olub. Yalnız 78-ci dəqiqəsində Tomas Müller özünün üçüncü, komandasının isə dördüncü qolunu vurub. Beləliklə, Tomas Müller ilk turdaca turnirin bombardirlərinin liderinə çevrilib.
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
