Kiyevdə Rusiya səfirliyinə hücum oldu, səfirə boya atdılar
Ukraynada separatçıların vurduğu hərbi təyyarədə 49 əsgərin ölümü ilə əlaqədar Kiyevdə Rusiya səfirliyinin binası qarşısında etiraz aksiyası keçirilib. Rusiyanın Ukraynanın daxili imşlərinə qarışdığını iddia edən aksiya iştirakçıları səfirliyə aid avtomobillərə ziyan vurub, Rusiya səfiri Mixail Zurabova boya atıblar.
Etirazçılar səfirliyin girişinə avtomobil şinləri toplayıblar, “Faşistlər”, “Putinlə danışıqlara yox!”, “Kreml Ukraynadan əlini çək!” şüarları səsləndiriblər.
Piket iştirakçıları binaya daş və yumurta atıblar.
Rusiyanın Xarici İşlər Nazirliyi Kiyevdə baş verənlərlə bağlı bəyanat yayıb. Bəyanatda deyilir ki, Moskva səfirlik binasına hücumla bağlı ATƏT-ə müraciət edib. Bundan başqa, Rusiya BMT Təhlükəsizlik Şurasını diplomatik nümayəndəliyə hücumu pisləməyə çağırıb.
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
