Sərxoş sürücü zəncirvari qəza törətdi: 2 yaralı
Bakıda içkili vəziyyətdə sükan arxasına keçən sürücü zəncirvari qəza törədib. APA TV-nin məlumatına görə, Azadlıq prospekti ilə şəhər mərkəzi istiqamətində hərəkətdə olan VAZ-2104 markalı avtomobilin sürücüsü idarəetməni itirib və maşını qarşıda hərəkət edən "Tofaş" markalı avtomobilə çırpıb. Toqquşmadan sonra avtomobillər "Mazda" və "Nissan" markalı maşınlara, daha sonra isə yol kənarındakı arakəsmələrə çırpılıblar.
Hadisəni törədən sərxoş sürücü maşınını ataraq ərazidən uzaqlaşıb. Zəncirvari qəza xəsarətsiz ötüşməyib. VAZ-2104 və "Tofaş" markalı avtomobillərdə olan iki sərnişin xəsarət alıb.
Qəza Azadlıq prospektində sıxlığa səbəb olub. Yalnız qəzaya uğrayan maşınlar evakuasiya edildikdən sonra yolda avtomobillərin normal hərəkətini bərpa etmək mümkün olub.
Faktı Binəqədi Rayon Polis İdarəsi araşdırır.
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
