Dünya çempionatının ilk oyunu: birinci avtoqol, şübhəli penalti...
Futbol üzrə dünya çempionatının ilk oyununda meydan sahibi Braziliya millisi Xorvatiya yığmasına qalib gəlib. San-Pauluda keçirilən ilk qarşılaşma braziliyalıların 3:1 hesablı qələbəsi ilə başa çatıb.
Dünya çempionatının ilk qolunu Braziliya millisinin futbolçusu Marselo vurub. Amma öz qapısına. Oyunun 11-ci dəqiqəsində İviça Oliçin ötürməsindən sonra topa toxunan Marselo onu öz komandasının qapısından keçirib. Bu, həm də Braziliya millisinin dünya çempionatlarındakı ilk avtoqolu oldu.
Bunun ardınca Neymar dubla imza atıb. O, əvvəlcə 29-cu dəqiqədə fərqlənib. 71-ci dəqiqədə isə yaponiyalı hakim Yuiti Nisimura Xorvatiya millisinin qapısına şübhəli penalti təyin edib. Xorvat futbolçuların etirazları heç bir fayda verməyib. Neymar yaranmış imkandan uğurla istifadə edib.
Qarşılaşmada son nöqtəni Braziliya millisinin futbolçusu Oskar qoyub. O, oyunun əsas vaxtına əlavə edilmiş dəqiqələrdə komandasının 3-cü qolunu vurub.
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
