Qaxda “Cavanşir” filminin təqdimat keçirilib
Qaxda Milli Qəhrəman Cavanşir Rəhimova həsr olunmuş “Cavanşir” filmin təqdimat mərasimi keçirilib. APA TV-nin məlumatına görə, film Mədəniyyət və Turizm Nazirliyi, Qax rayon İcra Hakimiyyəti və Qax rayon Mədəniyyət və Turizm Şöbəsinin birgə təşkilatçılığı ilə çəkilib. Tədbirin rəsmi hissəsindən öncə iştirakçılar Milli Qəhrəmana həsr olunmuş filmə baxıblar. Daha sonra tədbir çıxışlarla davam edib. Mərasimdə Qax rayon İcra Hakimiyyətinin başçısı Musa Şəkiliyev, Mədəniyyət və Turizm Nazirliyinin əməkdaşı Almaz Sultanzadə, filmin rejissoru Kəmalə Musazadə, Cavanşir Rəhimovun anası Lalə Rəhimova və digərləri çıxış ediblər. Çıxışlarda bildirilib ki, Cavanşir Rəhimov Qarabağ uğrunda gedən döyüşlərdə göstərdikləri şücaətə görə, Milli Qəhrəman adını qazanan 211 nəfərin içərisində ən gəncidir. Tədbirdən sonra qonaqlar mədəniyyət evinin foyesində yaradılmış qəhrəmanın şəkillərdən ibarət foto sərgisinə baxış keçiriblər.
Vüqar Heydərov
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
