Toyda bıçaqlanma: 33 il həbsdə yatan kişi biri qadın olmaqla 2 nəfəri xəstəxanalıq etdi
Balakəndə toy məclisi iki nəfərin bıçaqlanması ilə başa çatıb. APA TV-nin məlumatına görə, hadisə ötən gün rayonun Qazma kəndində Rafiq adlı şəxsin oğlunun toy məclisində baş verib. Kənd sakini, 1978-ci il təvəllüdlü Bayram Muxtar oğlu Vəliyev 52 yaşlı Həsən Vahid oğlu Mirəliyev və daha bir neçə şəxsin arasında oynamaq üstündə mübahisə yaranıb. Bundan sonra içkili vəziyyətdə olan Həsən Mirəliyev məclisdən çıxıb, evindən bıçaq götürərək geri qayıdıb. O, mübahisə etdiyi Bayram Vəliyevin döş qəfəsinə bıçaqla xəsarət yetirib. Bundan sonra Həsən Mirəliyev Bayram Vəliyevin bacanağının anası, 1953-cü il təvəllüdlü Mahizar Abduləziz qızı Quliyevanın qarın boşluğundan daxilə nüfuz edən bıçaq zərbəsi vurub. Bayram Vəliyev və Mahizar Quliyeva Balakən rayon Mərkəzi Xəstəxanasının cərrahiyə şöbəsinə yerləşdiriliblər.
Məlumatda bildirilir ki, hadisəni törədən Həsən Mirəliyev isə ömrünün 33 ilini məhkumluq həyatı yaşayıb. Balakən RPŞ-nin əməkdaşlarının keçirdikləri əməliyyat axtarış tıdbirləri nəticəsində o, saxlanılıb.
Vüqar Heydərov
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
