Nazranda terrorçuların rəhbərinin meyitinin saxlandığı xəstəxana atəşə tutuldu: 4 yaralı
Nazranda İnquş respublikasının klinik xəstəxanası ərazisində atışma baş verib. Nəticədə xəstəxananı qoruyan 14 hüquq-mühafizə orqanın 4 əməkdaşı yaralanıb. Həkimlər iki nəfərin vəziyyətinin ağır olduğunu bildirirlər.
APA TV-nin xəbərinə görə, naməlum silahlıların hücumuna məruz qalanlar Saqopşi yaşayış məntəqəsində xüsusi əməliyyat nəticəsində öldürülmüş Artur Qataqajevanın və onunla birgə öldürülən yaraqlıların yerləşdirildiyi morqu mühafizə ediblər. İlkin ehtimala görə, hücum edən şəxslər yaraqlıların cəsədini aparmaq istəyiblər. Çünki İnquş cinayətkar qruplaşmasının lideri olan Artur Qataqajevanın cəsədi ailəsinə təhvil verilməyəcək. Hazırda silahlıların saxlanılması istiqamətində əməliyyat-axtarış tədbirləri həyata keçirilir.
Qeyd edək ki, İnquş cinayətkar qruplaşmasının lideri bu il mayın 24-də Saqopşi yaşayış məntəqəsində xüsusi əməliyyat nəticəsində yaşayış evində mühasirəyə alınıb. Hüquq-mühafizə orqanlarının təslim olmaq əmrinə silahla cavab verən Artur Qataqajeva və onunla birgə olan yeddi yaraqlı məhv edilib. Onlar İnquşda bir neçə terror aktı törətməkdə və respublikanın baş katibi Ahmed Koyievi qətlə yetirməkdə təqsirli bilinirdi.
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
