Luqanskda döyüşlər gedir, sursat anbarı partladıldı
Ötən gecə Ukraynanın Luqansk vilayətində gərgin döyüşlər gedib. APA TV-nin məlumatına görə, hadisələrin episentri Aleksandrovsk rayonunda daxili qoşunların hərbi hissəsi olub.
Separatçılar döyüş zamanı Ukrayna Milli Qvardiyasının 20 döyüşçüsünün əsir götürüldüyünü, hərbi hissənin isə ələ keçirildiyini bildiriblər.
Bir neçə saatlıq döyüş zamanı hərbi hissənin sursat anbarında yanğın və partlayış baş verib.
Ukraynanın Daxili İşlər Nazirliyi də Aleksandrovskda gedən döyüşlə bağlı məlumat yayıb. Məlumatda deyilir ki, separatçıların atdığı reaktiv qumbaralardan biri sursat anbarına düşüb. Nəticədə partlayış baş verib, silah və döyüş sursatları məhv olub. Nazirlik hərbi hissənin hazırda tərəflərdən hansının nəzarətində olduğunu açıqlamayıb.
Xatırladaq ki, aprelin ortalarından Ukrayna hakimiyyəti ölkənin şərqində antiterror əməliyyatlarına başlayıb. Mayın 25-də prezident seçkiləri günü aktiv hərbi əməliyyatlar dayandırılsa da, bir gün sonra bərpa olunub.
Apa.tv
OXŞAR XƏBƏRLƏR
Prezident BMT-nin Azərbaycanda yeni təyin olunmuş rezident-əlaqələndiricisini qəbul edib
Prezident İlham Əliyev Çin nümayəndə heyətini qəbul edib
Mehriban Əliyeva dekorativ-tətbiqi sənət ustalarının əl işlərindən ibarət sərgi ilə tanış olub
Prezident İlham Əliyev “ŞƏT plyus” formatında görüşdə iştirak edir
Prezident İlham Əliyevin Bişkekdə Türkiyə Prezidenti Rəcəb Tayyib Ərdoğanla görüşü olub
